છું હું મૂંઝવણમાં , વાંચીને દેશ નો ઈતિહાસ ; કરું પ્રેમ સંસ્કૃતિને કે ઉડવું એની હાસ ? કરું છું હું વિશ્વાસ , મતિવિહીન ગ્રંથો-વેદ-વાણીમાં; જ્યાં કપિઓ આવે મદદે ને પથ્થરો તરે પાણીમાં. તો હું ગર્વ પણ કરું છું જ્ઞાનસભર ચરકસંહિતા-આર્યભટ્ટીનો ; મહાન આ ગ્રંથ તબીબીશાસ્ત્રનો ને ઉલ્લેખ જેમાં શૂન્યનો. કરું છું હું વિશ્વાસ , જ્યાં પવનને પણ હોય સૂત ; ધગધગતા સૂર્યને પણ આરોગવા સમર્થ એવા સપૂત . તો હું ગર્વ પણ કરું છું બ્રહ્મગુપ્ત , ભાસ્કર , વરાહમિહિરનો ; જેમની સચોટ ગણતરીઓ ગ્રહણની ને ઉલ્લેખ પૃથ્વીના પથનો. કરું છું હું યાદ અપમાનો એકલવ્ય-કરણના ; અનુભવો કડવાએ , અસમાનતા - જાતિ-વરણના. તો સ્મૃતિ પણ કરું હું ઉજ્જૈન , તક્ષશિલા , નાલંદાની ; આવકારે જે વિશ્વભરને , નીકળ્યા છે જે શોધમાં જ્ઞાનની . ભળી ગયું છે દૂધમાં પાણી...
Comments
Post a Comment